Гародня: Суд над прафэсарам Алесем Астроўскім і грамадзкім праваабаронцам Уладзімерам Хільмановічам не адбыўся

2010
09.27
U. Khilmanovich

У. Хільмановіч

23 верасьня ў Гародні меўся адбыцца суд над вядомым навукоўцам, прафэсарам Алесем Астроўскім і ягонай жонкай Аксанай, а таксама грамадзкім праваабаронцам і журналістам Уладзімерам Хільмановічам. На іх былі заведзены адміністрацыйныя справы за арганізацыю пікета ў абарону беларускага школьніцтва, які быў зладжаны 2 верасьня перад будынкам гарвыканкаму. Астроўскія і Хільмановіч патрабавалі рэалізацыі іхнага права на навучаньне сваіх дзяцей па беларуску. У той дзень яны былі затрыманыя, а праз тыдзень на іх склалі пратаколы аб адміністрацыйным правапарушэньні. Позвы ў суд былі дасланыя на 23 верасьня на 10.00. Аднак, напярэдадні Астроўскім патэлефанавалі й паінфармавалі, што суд пераносіцца на няпэўны тэрмін. Уладзімеру Хільмановічу пра гэта не паведамілі ўвогуле. Калі Алесь і Аксана Астроўскія ды Ўладзімер Хільмановічі прыйшлі ў суд Ленінскага раёну, судзьдзя Натальля Козел паведаміла, што працэс не адбудзецца ў зьвязку з дадатковым вывучэньнем матэрыялаў супрацоўнікамі міліцыі. Уладзімер Хільмановіч кажа: “Такі перанос працэсу яшчэ раз сьведчыць пра тое, што нашы дзяржаўныя ўстановы ня маюць належнай адказнасьці за свае дзеяньні. Калі ім сорамна за гэтую адміністратыўную справу, то яе можна закрыць. Калі ж праваахоўныя ворганы лічаць, што мы парушылі закон, дык трэба весьці судовы працэс. Што там можна дадаткова вывучаць? Гэта проста сьмешная прычына пераносу суду. А тое, што мне не паведамілі пра перанос працэсу, сьведчыць пра безадказнасьць службовых асобаў. Сапраўды адзін званок на мой мабільны тэлефон, які я прапусціў напярэдадні, пасьля шасьці гадзінаў вечара быў. Але можна было б патэлефанаваць яшчэ. А так гэта элемэнтарная непавага да грамадзянаў. Сапраўдная ж прычына пераносу суду ў тым, што ўлады баяцца грамадзкага розгаласу, разумеючы, што праўда на нашым баку, таму што, выйшаўшы на пікет, мы патрабавалі найперш выкананьня законнасьці”.

3 Responses to “Гародня: Суд над прафэсарам Алесем Астроўскім і грамадзкім праваабаронцам Уладзімерам Хільмановічам не адбыўся”

  1. Heya i am for the primary time here. I came across this board and I find It truly helpful & it helped me out much. I am hoping to provide something again and aid others such as you helped me.

  2. You can certainly see your skills in the work you write. The sector hopes for more passionate writers like you who aren’t afraid to say how they believe. Always follow your heart.

  3. Hassie Bodon says:

    hello!,I love your writing so much! proportion we keep up a correspondence more approximately your post on AOL? I require an expert in this space to unravel my problem. May be that is you! Looking ahead to see you.

Your Reply