Гародня: Уладзімера Хільмановіча будуць судзіць за пікет у падтрымку беларускай мовы

2010
09.20
Уладзімер Хільмановіч

У. Хільмановіч, Гародня

Гарадзенскі грамадзкі праваабаронца і журналіст Уладзімер Хільмановіч атрымаў позву ў суд Ленінскага раёну. Працэс па разглядзе адміністратыўнае справы адбудзецца ў чацьвер, 23 верасьня, а 10-й гадзіне. Грамадзкага актывіста будуць судзіць за ўдзел у пікеце 2 верасьня на цэнтральнай плошчы гораду. (далей – правапіс першакрыніцы)

Нагадаем, што ў той дзень на пікет перад Гарадзенскім гарвыканкамам выйшла сям’я вядомага прафесара Алеся Астроўскага, патрабуючы забяспечыць сваёй дачцэ права навучацца ў беларускамоўным класе. Зараз Алесь і Аксана Астроўскія таксама атрымалі аналагічныя позвы ў суд.

Уладзімір Хільмановіч кажа: “Цікава, што ў судовай позве, якую я атрымаў праз паштарку лістом з заказным паведамленнем, не пазначаны ні нумар адміністратыўнай справы, ні ў якасці каго я выклікаюся. Калі па справядлівасці, дык судовая справа мусіць быць заведзена найперш на аддзел адукацыі Гарадзенскага гарвыканкаму, які парушыў Канстытуцыю і Закон аб мовах Рэспублікі Беларусь і не забяспечыў адразу права на беларускамоўнае навучанне. І толькі калі мы выйшлі на пікет, чыноўнікі пастараліся забяспечыць такое права. Так што, калі і было парушэнне закону з нашага боку, то толькі фармальнае і з мэтай забеспячэння вышэйшай законнасці”.

One Response to “Гародня: Уладзімера Хільмановіча будуць судзіць за пікет у падтрымку беларускай мовы”

  1. Miranda Arts says:

    Hiya, I’m really glad I’ve found this info. Nowadays bloggers publish just about gossips and web and this is actually frustrating. A good web site with exciting content, that’s what I need. Thank you for keeping this website, I will be visiting it. Do you do newsletters? Can’t find it.

Your Reply